നിങ്ങളൊന്ന് ഹൃദയം പൊട്ടി കരഞ്ഞാല്‍,
നിങ്ങള്‍ ആനന്ദ വര്‍ഷത്തില്‍ ഹൃദയം ഉറക്കെ തുറന്ന്, കരളുരുകി, ഒന്ന് ഉറക്കെ ചിരിച്ചാല്‍,
നി ആശയങ്ങളുടെ ശക്തമായ പ്രേരണകള്‍ ശക്തമാകുമ്പോള്‍, അത് ഉറക്കെ പറഞ്ഞാല്‍ ,
നിങ്ങള്‍ സ്‌നേഹത്തിന്റെ ഉറഞ്ഞു തുള്ളലില്‍ , ഒന്നു ചേര്‍ത്തു പിടിച്ച് ചുംബിച്ചാല്‍ ,
ഈ പ്രേക്ഷക സമുച്ചയം നിങ്ങള്‍ക്ക് ഭ്രാന്താണെന്നു പറയും.
നിങ്ങളൊന്ന് വിശപ്പിന്റെ ആധിക്യം അടക്കി, പുഞ്ചിരിച്ചു കൊണ്ട്, നിങ്ങള്‍ക്ക് വിശക്കുന്നുവെന്നു പറഞ്ഞാല്‍,
അവര്‍ നിന്നെ പരിഹസിക്കും.
കാരണം ഈ ലാളിത്യത്തിന്റെ ഭാഷ അവര്‍ക്ക് വശമില്ല.
അവരുടെ പൂര്‍വ ദിനങ്ങള്‍ സത്യത്തിന്റെ നേര്‍ക്കാഴ്ച അനുഭവിച്ചറിഞ്ഞിട്ടില്ല.
അവര്‍ക്കത് മനസ്സിലാക്കാന്‍ കഴിയില്ല!
കാരണം അവര്‍ അങ്ങനെയല്ല!
രാജാവ് നഗ്നനാണെന്നു പറഞ്ഞ കൊച്ചുകുട്ടി ബലിയാടാണ്.
ഇന്നിന്റെ, ഇന്നലെകളുടെ.